TOGATAE Comoediae

TOGATAE Comoediae
proprie Latinae, sicut Palliatae Graecae; a vestitu utriusque Gentis. Vetus Interpres Iuvenalis ad Illud, Sat. 1. v. 3.
—— Recitaverit ille Togatas.
Togatae, inquit, sunt Comoediae Latinae, Palliatae Graecae, quales Afranius fecit. Ubi, cum Afranium Togatas dedisse notum sit, verba illa, quales Afranius fecit, retrahi et Togatis subiiei, iubet Ferrarius. Erant autem Togatarum aliae nobiliores, quae Praetextatae, in quibus scil. Magistratus introducti, qui in praetextis: aliae minus nobiles, in quibus censet Scaliger, Poetices l. 1. c. 7. Senatores privatos cum togis introductos. Sed cur soli Senatores Togati, cum Gens universa hôc habitu uteretur? Subicit idem ultimum genus fuisle, quod capiebat humilem Fortunam negotiorum popularium cum tunicis tantum, eas autem non tunicatas dictas, sed ab habitaculis Tabernarias appellatas, quod cum tabernis scenae disponerentur. Sed si nullus in illis Togae usus, cur inter Togatas recensitae? Auctor Prolegomenon Terentii Tabernarias fuisle Palliatas tradit, quod falsum: Sed paulo ante, si tamen unus Auctor est, Tabernarias, ab humilitate argumenti et styli dictas, putat. Melius dicemus, Togatas genericum fuisse nomen, ad Praetextatas et Tabernarias: nihilominus Togatas pro Tabernariis non communi tantum
errore, sed Poetarum quoque auctoritate, usurpari, atque adeo nomen generis ad hanc posteriorem speciem restringi consuevisle. Ita enim Horat. in Arte, v. 288.
Vel qui praetextas, vel qui docuêre Togatas.
Ubi per praetextas, intelligit praetextatas, Comoedias videl. Magistratuum ac nobiliorum personarum: per Togatas, eas in quibus viliores personae introductae; qui quod in cenaculis ac tabernis degere soliti eslent, ut Opifices inprimis, Institores ac Sellularii, Tabernarias easdem vocitatas fuisse, vidimus supra in hac voce, Coeterum Togatarum Auctores ab Acrone hi recensentur: Aelius Lamia, Antonius Rufus, Melissus, aFranius, Pompeius; qui omnes magnô literarum damnô, praeter Afranii fragmenta, interciderunt. Primum autem Stephanionem Togatas saltare instituisse, auctor est Plinius, l. 7. c. 48. Minus miror Stephanionem, qui primus togatus saltare instituit. Lege Togatas, ut et Sabellicus monuit, et de Pantomimo intelligit. Vide Octavium Ferrarium, de Re Vestiaria, Part. 2. 1. 4. c. 2.

Hofmann J. Lexicon universale. 1698.

Look at other dictionaries:

  • PRAETEXTATAE Comoediae — dicebantur illae, ex Latimis, in quibus Magistratus: sicut Togatae, in quibus viliores personae; introducebantur. Horat. de Arte Poet. v. 288. Vel qui Praetextas, vel qui docuere Togatas. Cum vero vix videatur potuisse dari Comoediam, in qua soli …   Hofmann J. Lexicon universale

  • COMOEDIA — drama est, civiles et privatas actiones exitu laetô repraesentans, seu Poema est dramaticum, negotiosum, exitu laetum, stylô populari, Scalig. Poet. l. 1. c. 6. Eius origo haec: Cum Apollini Nomio, i. e. Pastorali, ob frugum proventum, festum… …   Hofmann J. Lexicon universale

  • PALLIUM — I. PALLIUM Veteribus in genere omne vestimenti genus significavit, quam apertum, tam clausum, ut etiam Toga Pallio rotundum dicatur Isidoro; Abusive pro Palliolo quoque sumi fuisse folitum supra vidimus: Proprie vero ac fimpliciter communique… …   Hofmann J. Lexicon universale

  • TABERNARIAE — Comoediae dictae sunt Togatae, minus nobiles Praetextatis, in quibus Senatores privati cum Togis introducebantur, ut Scaliger vult, Poetic. l. 1. c. 7. Sed cur soli Senatores togati, cum gens universa togata esset? subicit idem: Ultimum genus… …   Hofmann J. Lexicon universale

  • Lucius Afranius (poet) — Lucius Afranius was also the name of a consul of 60 BC. For others with this name, see Afranius .Lucius Afranius was an ancient Roman comic poet, who lived at the beginning of the 1st century BC. [Citation last = Smith first = William author link …   Wikipedia

  • Titinĭus — Titinĭus, Vectius, alter römischer Komödienschreiber; zu seinen Comoediae togatae wählte er Stoffe u. Personen aus dem Leben der niedrigsten Stände u. wird bes. wegen seiner trefflichen Charakterschilderung gerühmt u. deshalb dem Terentius an die …   Pierer's Universal-Lexikon

  • FABULA — Graece Μῦθος, a fando dicta, narratio rei cuiuscunqueve est, etiam verae. Sic Terent. in Hecyra Act. 4 sc. 3. sub calcem Iam nos fabulae sumus, Pamphile. Cic. etiam alicubi; et Fabula Troiae, pro historia, et rebus gestis eius. Similiter Suet. in …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.